26°
Кечаси 15°
29 январь куни Анқара шаҳрида Туркия – Озарбайжон – Ўзбекистон ташқи ишлар, савдо ва транспорт вазирларининг уч томонлама учрашуви бўлиб ўтди. Ушбу учрашувда Ўзбекистон Ташқи ишлар вазири Бахтиёр Саидов иштирок этди.
Ташқи ишлар вазири Туркиядаги сафари давомида Туркия Президенти Ражаб Тоййиб Эрдўғанга Шавкат Мирзиёевнинг мактубини етказди. Бу ҳақда Бахтиёр Саидов ўзининг Telegram каналида маълум қилди.
“Туркия Президенти Ражаб Тоййиб Эрдўған Жаноби Олийлари томонидан қабул қилинганимиздан хурсандмиз. Ўзбекистон Республикаси Президенти Шавкат Мирзиёев Жаноби Олийларининг энг самимий саломлари ва мактубини етказдик. Раҳбарларимиз ўртасида ўрнатилган биродарлик ришталари ҳар бир соҳада яқин ҳамкорлик қилиш учун энг мустаҳкам пойдевор яратмоқда. Минг йиллик тарих, анъана ва урф-одатлар билан боғлиқ бўлган халқларимиз фаровон келажакни барпо этиш йўлида бир-бири билан яқиндан ҳамкорлик қилмоқда” – дейилади хабарда.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
