Тошкент шаҳрининг Мирзо Улуғбек туманида юқори кучланишли (10 кВ) ер ости электр узатиш кабель линияларини ўтказиш ишлари бошланмоқда. Мазкур лойиҳа истеъмолчиларни электр энергияси билан таъминлашнинг ишончлилиги ва барқарорлигини оширишга қаратилган.

Шу муносабат билан, 2025 йил 10 апрель соат 10:00 дан 30 апрель соат 17:00 гача Султония кўчасининг Буюк Ипак йўли чорраҳасидан то Султония 5-тор кўчасигача бўлган қисмида транспорт ҳаракати қисман чекланади. Ҳаракатланиш бир қаторда амалга оширилади.

“Ноқулайликлар учун узр сўраймиз ва йўналишни олдиндан режалаштиришингизни тавсия этамиз”, – дея хабар берди пойтахт ҳокимлиги матбуот хизмати.

• Poytaxt
• Тошкент
• Yo'llar
• cheklov