Индонезия Ғазодаги урушдан жабр кўрган фаластинликларга вақтинча бошпана беришга тайёр. Бу ҳақда президент Прабово Субианто маълум қилди.

У биринчи тўлқинда минг нафар фаластинликка ёрдам кўрсатилиш эҳтимолийлигини маълум қилган. Прабовога ТИВ раҳбарига зарар кўрган фаластинликларни кўпчилик мусулмонлар яшайдиган Индонезияга қандай эвакуация қилиш масаласини тезда муҳокама қилишни буюрган.

“Биз ярадорларни, жароҳатланганларни, етимларни эвакуация қилишга тайёрмиз”, – деган Индонезия президенти.

Президент фаластинликлар жароҳатларидан тўлиқ тузалмагунча ва Ғазодаги вазият уларнинг қайтиши учун хавфсиз бўлмагунча вақтинча Индонезияда бўлишларини қўшимча қилган.

“Индонезия можарони ҳал қилишда ўз ролини оширишни хоҳлайди. Бу режа осон эмас. Индонезиянинг фаластинликлар хавфсизлиги ва уларнинг мустақиллигини қўллаб-қувватлаш мажбурияти ҳукуматимизни фаолроқ ҳаракат қилишга ундади”, – дея таъкидлаган Прабово.

Прабово 2024 йил президентлик лавозимига расман киришишидан аввал унинг мамлакати лозим бўлса, Ғазога тинчликпарвар кучларни юборишга тайёрлигини айтиб ўтган.

• Фаластин
• Indoneziya