Қўшма штатларда айни президентлик учун сайлов олди ҳаракатлари кетаётган бир вақтда амалдаги давлат раҳбарининг ўғли Хантер Байден солиқ тўлашдан бўйин товлаганликда айбланиб, озодликдан маҳрум этилиши мумкин, деб хабар берди “РИА Новости”.

Хантер Байден иши билан шуғулланаётган махсус прокурор: “Солиқ тўлаш ўрнига судланувчи миллионлаб долларларни экстравагант турмуш тарзига сарфлаган. 2016 йилдан 2020 йил октябргача бўлган даврда у пулни гиёҳванд моддалар, эскортлар ва қиз дўстлари, ҳашаматли меҳмонхоналар, ижара уйлари, автомобиллар, кийим-кечак ва бошқа шахсий буюмларга сарфлаган”, - дейди айблов хулосасида.
Маълумотларга кўра, АҚШ президентининг ўғли Хантер Байден 2016-2020 йилларда 1,4 миллион доллар солиқ тўлашдан бўйин товлаганликда айбланмоқда.

Махсус прокурорнинг берган хулосасига кўра, кичик Байден тўққизта модда билан айбланмоқда.

Ушбу айбловлар бўйича Хантер Байден 17 йилгача қамоқ жазосига ҳукм қилиниши мумкин, дея хабар беради “ox News”.

Хантер Байден амалдаги АҚШ президентининг жиноий жавобгарликка тортилган биринчи фарзандидир. Биринчи ҳолатда, у 2018 йилда “Colt” тўппончасини сотиб олаётганда гиёҳванд моддаларни истеъмол қилишда айбланмоқда. Айбловлар йиғиндисига кўра, кичик Байден 25 йилгача қамоқ ва 750 минг доллар жаримага тортилиши мумкин, аммо бундай ҳолларда қамоқ жазоси одатда биринчи марта жиноят содир этганларга нисбатан қўлланилмайди, дейилади нашр берган маълумотда.

• АҚШ
• Байден