Ўзбекистон Профессионал футбол лигаси томонидан мавсумнинг энг яхшилари тақдирланди.

Кўп йиллардан буён “Насаф”ни бошқариб келаётган ва бу мавсум жамоанинг чемпионлиги учун катта ҳисса қўшган Рўзиқул Бердиев мавсумнинг энг яхши мураббийи деб топилди.

“Аждарлар”нинг 24 ёшли яримҳимоячиси Акмал Мозговой эса энг яхши футболчи дея эътироф этилди. Яримҳимоячи якунига етган мавсум давомида 23 ўйинда иштирок этиб, 4 гол ва 1 голли узатмани ўз ҳисобига ёздириб қўйган.

ПФЛ эълон қилган барча номинациялар ғолиблари:

Энг яхши футболчи — Акмал Мозговой (“Насаф”)

Энг яхши мураббий — Рўзиқул Бердиев (“Насаф”)

Энг яхши ёш ўйинчи — Абдуғофур Ҳайдаров (“Сурхон”)

Энг яхши легионер — Владимир Ёвович (“Сўғдиёна”)

Мавсум кашфиёти — Анваржон Ҳожимирзаев (“Динамо”)

Мавсум тўпурари — Драган Черан (“Пахтакор”)

Энг чиройли гол муаллифи — Марко Миличкович (“Металлург”)

Энг яхши ҳакам — Шавкат Насибуллаев

Fair Play соврини — ОКМК клуби.

• Тақдирлаш
• ЎзПФЛ