Бермуд учбурчаги ҳақида эшитганмисиз? У дунёнинг энг машҳур геопатик зоналаридан бири. Бермуд учбурчаги – Саргассо денгизидаги (Атлантика океани) ҳудуд бўлиб, унда бир версияга кўра, кемалар ва самолётларнинг сирли йўқолиши ва бошқа аномал ҳодисалар содир бўлади. Ҳудуд Маями, Бермуд ва Сан-Хуан (Пуерто-Рико) чўққилари оралиғидаги учбурчак ҳудуд билан чегараланган.

Геопатик зоналар нима?

Геопатоген зоналар фанга номаълум бўлган аномал ва хавфли нурланишлар намоён бўладиган жойлардир.

Бундай жойлар инсон ва ҳайвонлар саломатлигига зарар етказиши айтилади. Шунингдек, турли хил ҳодисалар геопатоген зоналарга тегишли. Масалан, Бермуд учбурчаги каби жойларда кемалар ёки самолётларнинг ғойиб бўлиши, автомобил йўлларининг айрим қисмларида мунтазам авариялар ёки янги уй сотиб олгандан кейинги ёмон уйқу ва ҳоказо.

Геопатоген зоналар қаердан келиб чиқади?

Геопатик зоналар назарияси издошлари салбий омилларнинг пайдо бўлишининг бир қанча сабабларини аниқлайдилар. Электромагнит нурланиш тармоқларининг кесишган жойларида ҳам шундай зоналар вужудга келиши айтилади.

Геопатологларнинг қарашлари биринчи навбатда немис шифокори Эрнст Хартман ва унинг америкалик ҳамкасби Манфред Каррининг ғояларига асосланади. 1950-60 йилларда улар мустақил равишда бутун Ер юзи электромагнит нурланиш тармоқларига ўралган, деган хулосага келишди.

Тармоқларнинг кесишмасида зарарли радиация тўпланади – ер усти радиацияси ёки E-нурлари. Тармоқлар кўп бўлгани учун бундай “хавфли” бўлимлар жуда кўп.

Шунингдек, геопатик зоналар назариясига XX аср бошида немис геологи Густав фон Похлнинг қарашлари таъсир кўрсатди. Аномал нурланишнинг яна бир манбаси сифатида ер қобиғидаги ёриқлар, ер ости сувлари, геологик бўшлиқлар ва рудалар тўпланиши айтилади.

Энергия ландшафтининг бузилиши
Ушбу ғояларни ишлаб чиқаётиб, баъзи геопатологлар, шунингдек, бинонинг шакли ёки релефига қараб, салбий нурланиш тўсқинликсиз тарқалиши ёки ҳатто кучайиши мумкинлигига ишонишади. Концепция тарафдорларининг фикрича, паст қаватли бинолари ва шифтлари баланд эски шаҳарлар замонавий шаҳарларга қараганда теварак-атрофдаги энергетик ландшафтга яхшироқ мос тушади. Бу, албатта, соғликка ҳам таъсир қилади.

Баъзи геопатологлар уй декорасининг элементлари ҳам салбий энергияни олиб юриши мумкинлигига ишонишади.

Геопатологлар хавфли зоналарни қандай аниқлайди?

Албатта, оддий одам аномалияни ҳис қила олмайди: унинг ранги ва ҳиди йўқ, ҳатто стандарт илмий асбоблар ҳам уларни кузатмайди. Аммо геопатологлар нима қилиш кераклигини билишади. Катта эҳтимол билан сиз бу жараённи психика ва паранормал ҳодисалар ҳақидаги дастурларда кўришингиз мумкин.

Аниқлашнинг моҳияти шундан иборатки, “Y” шаклидаги махсус темир новдалар ёки маятник ёрдамида ҳудудни сканерлайди. Шунингдек, аномалияларни аниқлаш учун зарарли нурланишнинг турли детекторларидан фойдаланиш мумкин.

Бироқ, детектор ҳар доим ҳам ерда бўлишни зарур, деб ҳисобламайди. Улардан баъзилари “Google Maps” ёрдамида геопатоген зоналарни аниқлашга муваффақ бўлишади.

Геопатик зоналар қандай зарар етказади?

Геопатологларнинг фикрига кўра, аномал зоналарда бўлиш оқибатлари ўзини ақл бовар қилмайдиган муаммолар кўринишида намоён қилади. Масалан, бахтсиз ҳодисалар, ускуналарнинг бузилиши, соғликнинг ёмонлашиши ва ҳоказо.

Аввалига одам бош оғриғи ва бош айланишини ҳис қила бошлайди Аста-секин вазият ёмонлашади, бу қон босими, юрак уриши ва нафас олишда, тахикардия ривожланишида намоён бўлади. Натижада, геопатоген зонада узоқ вақт қолиш руҳий ва когнитив бузилишларга, юрак-қон томир, онкологик ва бошқа касалликларга, шунингдек, ўз жонига қасд қилишга ҳам олиб келади.

Геопатогенларнинг фикрига кўра, аномалиялар ҳайвонлар ва ўсимликларга ҳам зарар етказади.

Фаннинг геопатик зоналар назарияси билан қандай алоқаси бор?

Олимлар бу концепцияга шубҳа билан қарашади. Ернинг тузилиши ва аномалиялар ўртасида ҳеч қандай боғлиқлик йўқ. 1990 йилларнинг охирида Россия Фанлар академиясининг Геоэкология институти ходимлари геопатогенез муаммосини ўрганишди. Улар турли хил аномалиялар ва Ернинг геологик тузилиши ўртасида ҳеч қандай алоқа ва назарияни қўллаб-қувватловчи ҳеч қандай далил топишмаган.

• Atlantika okeani
• Bermud uchburchagi
• Markaziy Amerika
• Yer