8 ноябрь куни Атираю халқаро аэропортида бир йўловчи қўл юкида “бомба бор” деб ҳазиллашган. Аэропорт ходимлари дарҳол йўловчиларни эвакуация қилиб, ҳудудни ўраб олишган ва парвозлар вақтинча тўхтатилган. Юкларни текшириш ҳамда хавфсизликни таъминлаш учун фавқулодда хизматлар чақирилган. Таҳдид тасдиқланмагач, эркакка нисбатан жиноят иши қўзғатилган.

Транспорт полицияси матбуот хизматига кўра, “Ушбу ҳолат юзасидан транспорт полицияси департаменти томонидан Жиноят кодексининг 273-моддаси (террорчилик ҳаракати ҳақида била туриб ёлғон хабар бериш) бўйича жиноят иши қўзғатилди. Қурбонлар ва жабрланганлар йўқ, аэропорт ўз фаолиятини одатий тартибда давом эттирмоқда. Қозоғистон Жиноят-процессуал кодексининг 201-моддасига мувофиқ, терговолди текширувининг бошқа маълумотлари ошкор қилинмайди”, – дейилади идора хабарида.

• Аэропорт
• Эвакуация
• Қозоғистон
• parvoz