Актёр Рихситилла Абдуллаев “Менинг юртим” телеканалининг «Омон-омон» кўрсатувига берган интервьюсида 20 ёшли ўғлини уйлантиргани ҳақида гапириб берди.

Актёрнинг маълум қилишича, келин-куёв синфдош бўлишган, анча йиллардан бери бир-бирларини яхши билишади.

“Ўғлим у билан параллель синфдош бўлган. Уларнинг 5 йиллик муҳаббати охири ғалаба қозонди. Ўғлим отамга ичидаги фикрларини айтган. Кейин улар ҳаракатни бошлашди.

Биз йилнинг бошида ҳаракатни бошлагандик. Кузга келиб, ўзининг таваллуд топган кунига тўйни белгилаб қўйдик. Ўғлим 19 октябрь куни уйланди”, - дейди актёр тўй хотираларини эслаб.

Рихситилла Абдуллаев ўзининг ота-онаси ҳам тўйдан анча қувонганини айтиб, ёши катта инсонлар мана шундан ширин ташвишлар билан овора бўлиб, касал бўлмаслигини қўшимча қилди:

“Бу биринчи ўринда ота-онангиз учун яхши бўларкан. Улар бир йил давомида ширин ташвиш билан овора бўлишадида, хасталанишмайди. Инсонлар бекорга набира тўйни кутишмас экан. Чунки катта ёшдаги ота-оналар ёшарар экан. Бу нарсанинг исботини кўрдим”.

• Шоу-бизнес