Бир эркакда от энцефалити вируси аниқланди. Бу вирус охирги марта 1996 йилда Аргентинада қайд этилган. Касаллик деярли 30 йил давомида бошқа ҳеч кимда аниқланмаган. Бу ҳақда Жаҳон соғлиқни сақлаш ташкилоти хабар берди.

Энцефалитнинг бу тури кам учрайдиган вирусли касаллик бўлиб, чивинлар томонидан тарқалади ва фақат отлар ва одамларга таъсир қилади. Тахминларга кўра қушлар инфекцияни ташувчиси бўлиши мумкин.

ЖССТ эндемик ҳудудларда ёки ҳайвонларда касалликнинг фаол тарқалиши мумкин бўлган ҳудудларда яшовчи инсонларни огоҳликка чақирди. 2023 йил охирида ушбу вирус билан касалланган отлар билан ишалаган шахсда тасдиқланган.

Вирусга чалинган шахсда дастлаб бош ўриғи, бош айланиши, миялжи ва иситма белгилари пайдо бўлган. У касалхонага ётқизилган ва 12 кун давомида нафас олиш аппаратига уланган. Ҳозирда бемор шифохонадан чиқарилган, шифокорлар унинг аҳволини кузатишда давом этмоқда.

• Касаллик
• Вирус