Бирлашган Миллатлар Ташкилоти, Исроилнинг TRT телевидениесига уюштирган ҳужуми Ғазода журналистлар дуч келаётган хавф-хатарларни кўрсатганини билдирди ва воқеа юзасидан шаффоф ва ишончли тергов ўтказилишига чақирди.

Бу ҳақда Бирлашган Миллатлар Ташкилоти матбуот котиби Стефан Дужаррик, Исроилнинг журналистларга, жумладан TRT гуруҳига ҳужуми муносабати билан “Anadolu” агентлигига ёзма баёнот берган.

Воқеа ҳақида ҳозирча батафсил маълумотга эга эмасликларини айтган дипломат: “Бу воқеа журналистларнинг Ғазода қандай хавф-хатарларга дуч келаётганини яққол кўрсатмоқда”, деди.

“Бу ҳодиса, бошқа ҳодисалар каби, шаффоф ва ишончли тарзда текширилиши керак”, — дея қўшимча қилди у. Нусайрат қочқинлар лагерига уюштирилган ҳужум чоғида эса Исроил армияси минтақадаги воқеаларни кузатаётган TRT Arab ҳам бўлган бир гуруҳ журналистларга ҳужум қилган.

Хабар қилинишича, Исроил армияси ҳужум пайтида TRT Arab оператори Сами Моҳамед Шеҳадеҳ, “CНН” мухбири Муҳаммад Ҳасан эс-Савалиҳи ва мустақил журналист Аҳмад Бекир ал-Луҳни яралаган.

• БМТ
• jurnalist