BМW келажакда автомобиллар савдосининг “агентлик” деб аталадиган шаклига ўтишни ва анъанавий дилерлик марказларидан босқичма-босқич воз кечишни режалаштирмоқда. Бу ҳақда “Automotive News Europe” хабар берди.

“Биз ҳозирда европалик дилерларимиз билан агентлик моделига ўтиш бўйича музокаралар олиб бормоқдамиз”, – деди “ВМW Group” савдо ва маркетинг бўлими раҳбари Питер Нот. 

Ушбу модел дилерларнинг автомобил нархларига таъсир қилиш қобилиятини пасайтиради ва ишлаб чиқарувчилар дилерлик кўринишидаги воситачиларни четлаб ўтиб, ўз мижозларига мурожаат қилишни бошлайдилар.

Тахминларга кўра, мижоз автомобилни тўғридан-тўғри автомобил ишлаб чиқарувчисидан буюртма қилади, мавжуд захирадан машина танлайди ёки буюртма беради. Шу билан бирга, дилерлик мижозга автомашинани бериш, шунингдек, хизмат кўрсатиш функциясига эга.

Айтганча, фақатгина BМW аста-секин дилерлардан воз кечиб, тўғридан-тўғри савдога ўтишни режалаштираётгани йўқ. Яъни Mercedes-Benz’да ҳам шундай режа бор: компания яқин йилларда Германиядаги автосалонлар тармоғини 15-20 фоизга қисқартириш истагини аллақачон маълум қилган. “Wolkswagen” ҳам худди шундай режаларга эга.

BМW Украинадаги можаролар сабаб март ойи бошидан бери Россияга автомобилларни етказиб бермаяпти. Компания бу қарорини “мавжуд геосиёсий вазият ва автомобил компонентларини логистика муаммоси маҳаллий йиғишни давом эттиришга имкон бермаётгани” билан изоҳлаган. 

Айни пайтда фақат Россияга етказиб берилган машиналарни сотиб олиши мумкин. Автомобилларга техник хизмат кўрсатишга келсак, ҳозирги вазиятда ВМW “кафолат мажбуриятларининг бажарилишини тўлиқ таъминлашга” ҳаракат қилади.
 

• BMW
• Mercedes-Benz