“Ижтимоий тармоқларда тарқалган “метан заправкаларга лимит қўйилмоқда” деган хабарлар асоссиз”, – дея маълум қилди “Ҳудудгазтаъминот” АЖ.

Куз-қиш мавсумига тайёргарлик доирасида айрим газ тақсимлаш станцияларида техник ишлар олиб борилган. Шу вақт ичида баъзи “заправка”ларда қисқа муддатли узилишлар бўлган.

Ҳозирда метан “заправка”лар белгиланган тартибда ишламоқда, газ эса шартномалар асосида етказиб берилмоқда. Тармоқларда ёлғон ёки текширилмаган хабарлар тарқатиш қонун билан тақиқлангани эслатиб ўтилди.

• Газ
• Ҳудудгазтаъминот