Шароитлар яратилгани сабабли жойларда хусусий шериклик асосида мингга яқин замонавий маҳалла бинолари барпо этилди. Эндиликда ушбу биноларни замонавий сервис объектларига айлантириш мақсадида тадбиркорларга қўшимча енгилликлар берилиши кўзда тутилган. Аввало, вилоятдаги “Ислоҳотлар штаби” тадбиркорлар билан маслаҳатлашган ҳолда маҳалла биноси қурилиши учун аниқ жойни белгилаб, ер ажратиш бўйича қарор чиқаради.

Шаҳар ва вилоят марказларида тадбиркорлар томонидан қурилиб, пастки қаватида “маҳалла еттилиги” жойлашадиган бинолар 3 йил давомида ер ва мол-мулк солиғидан озод қилинади. Қишлоқ ҳудудларида эса ушбу имтиёзлар муддати 7 йилни ташкил этади. Шунингдек, бино эгаси бўлган тадбиркорлар бу давр мобайнида фойда солиғи ҳамда айланмадан олинадиган солиқни 50 фоизга камайтирилган ставкада тўлаш ҳуқуқига эга бўладилар.

• Тадбиркорлик
• shahar