31°
Кечаси 18°
Шу кунларда Бирлашган Араб Амирликларининг Абу-Даби шаҳрида Жаҳон божхона ташкилотининг Технологик конференцияси бўлиб ўтмоқда.
Нуфузли халқаро тадбирда Божхона қўмитаси Раиси А.Мавлонов бошчилигидаги Ўзбекистон делегацияси ҳам фаол иштирок этмоқда.
Конференцияда асосий эътибор божхона органларининг технологик ривожланишини жадаллаштириш, рақамли ва инновацион ёндашувлар бўйича илғор халқаро тажрибаларни ўрганиш ҳамда уларни миллий амалиётга жорий этишга қаратилган бўлиб, нуфузли анжуман доирасида кўргазма ҳам ташкил қилинган.
Конференция биринчи иш кунининг ўзидаёқ Божхона қўмитаси Раиси А.Мавлонов ва Жаҳон божхона ташкилоти Бош котиби Ян Сондерснинг икки томонлама учрашуви бўлиб ўтди.
Томонлар дастлаб куни кеча дунё бўйлаб кенг нишонланган “26 январь – Халқаро божхоначилар куни” билан бир-бирларини муборакбод этишди. Хусусан, Бош котиб Ўзбекистон Республикаси Президенти томонидан божхона соҳаси ходимларига йўлланган табрикда Жаҳон божхона ташкилоти билан ҳамкорликка алоҳида урғу берилганини олқишлади.
Учрашувда Ўзбекистон ва Жаҳон божхона ташкилоти ўртасидаги ҳамкорликни янада ривожлантириш, хусусан божхона ходимларининг касбий салоҳиятини ошириш, ҳамкорликда ўқув тадбирларни ташкил этиш, шунингдек, ҳамкорликнинг келгусидаги истиқболли йўналишилари юзасидан музокаралар олиб борилди.
А.Мавлонов Жаҳон божхона ташкилотининг 7-Глобал Кинология форуми жорий йилда Ўзбекистонда ўтказилиши бўйича қарор қабул қилинганлиги учун Бош котиб Ян Сондерсга миннатдорлик билдириб, бу қарор Божхона қўмитасининг Миллий кинология маркази фаолиятига билдирилган халқаро даражадаги эътироф эканлигини таъкидлади.
Учрашувда, шунингдек, Божхона институтига Жаҳон божхона ташкилотининг Минтақавий ўқув маркази мақомини бериш масаласи ҳам кўриб чиқилди.
Якунда, Жаҳон божхона ташкилоти билан ҳамкорликни ривожлантиришга қўшган улкан ҳиссаси учун ташкилот Бош котиби Ян Сондерс Божхона қўмитасининг яқинда таъсис этилган “Халқаро ҳамкорлик учун” кўкрак нишони билан биринчи бўлиб тақдирланди.
Божхона қўмитаси делегациясининг БААга ташрифи давом этмоқда.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
