Ўзбекистон Президенти Шавкат Мирзиёев қарори билан Рамазон ойида қарийб “Вақф” фонди орқали қарийб 20 минг нафар диний соҳа ходимларига 80 миллиард сўмдан зиёд моддий ёрдам ажратилган.

Жумладан, мамлакат бўйлаб таровеҳ намозларида Қуръон хатм қилинган қарийб 1800 та масжидда хизмат қилган 3600 нафардан ортиқ қориларнинг ҳар бирига 10 миллион сўмдан ҳадъя топширилган.

Шу билан бирга, Уламолар кенгашининг 100 дан ортиқ фахрий аъзоларига ҳам 10 миллион сўмдан моддий рағбат берилган.

Республикадаги барча жоме масжидлари имом-хатибларига — 7 млн сўм, мударрисларга — 4 млн сўм, отинойи ва маҳалла муллаларига — 2 млн сўмдан ҳадъя берилган. Масжидларда фаолият юритувчи муаззин, қоровул ва масжид тозаловчиларга эса 1 млн сўмдан ажратилган.

• Ramazon
• Vaqf