Al Jazeera хабарига кўра, 17 мартга ўтар кечаси Ироқ пойтахтидаги АҚШ элчихонасига уюштирилган ҳужумда дронлар ва ракеталардан фойдаланилган. Ҳаво ҳужумидан мудофаа тизимлари бир нечта ҳужум воситаларини йўқ қилганига қарамай, 1 та дрон элчихона ҳудудига тушган.

Бундан ташқари, Бағдоддаги “Ал-Рашид” меҳмонхонаси зарбага учраган, дрон бинонинг юқори қаватларига келиб урилган. Ушбу меҳмонхонада Европа Иттифоқи ва Саудия Арабистони дипломатик ваколатхоналари жойлашган.

Мазкур бинолар Бағдоднинг  “Яшил ҳудуд” деб аталадиган ҳудудида жойлашган бўлиб, у ерда хорижий элчихоналар ва ҳукумат объектлари жойлашган.

Ироқ армияси Олий бош қўмондони расмий вакили Сабоҳ ан-Нумон ҳуқуқни муҳофаза қилувчи органларга ушбу ҳужумларни текшириш ва айбдорларни аниқлаш топширилганини маълум қилди.

• АҚШ
• Elchixona
• Havo hujumi
• Iroq