Бразилиянинг Фос-ду-Игуасу шаҳри мезбонлик қилаётган бокс бўйича Жаҳон Кубоги (World Boxing)да ярим финал жанглари давом эттирилди.

Мусобақанинг бешинчи кун дастурида 3 нафар ўзбекистонлик боксчилар 1/2 финал жангларида рингга чиқиб, уларнинг барчаси рақибларини яққол устунлик билан мағлубиятга учратди. Жаҳон чемпиони Миразизбек Мирзахалилов гватемалалик Жосе Фелипега ҳеч қандай имконият қолдирмади – 5:0. Жавоҳир Умматалиев (-80 кг) қозоғистонлик Диас Молжигитовни, Акмалжон Исроилов (-85 кг) эса полшалик Якуб Страшевскини таслим этди ва финалга йўл олди.

Барча жанглар натижаси:

-55 кг: Миразизбек Мирзахалилов - Жосе Фелипе (Гватемала) соат 5:0

-80 кг: Жавоҳир Умматалиев - Диас Молжигитов (Қозоғистон) 5:0

-85 кг: Акмалжон Исроилов - Якуб Страшевски (Полша) 5:0

Маълумот учун, 4 апрель куни Тўрабек Ҳабибуллаев (-90 кг), Ўзбекистон терма жамоасининг энг оғир (+90 кг) вазндаги аъзоси Жаҳонгир Зокиров, Асилбек Жалилов (-50 кг) ва Фазлиддин Эркинбоев (-75 кг) рақибларини мағлуб этиб, финалга йўл олганди. Финал жанглари бугун старт олади.

• Бокс
• Braziliya
• Жаҳон
• Ўзбекистонлик