Ўзбекистон миллий терма жамоаси ярим ҳимоячиси Аббосбек Файзуллаев 2026 йилги Жаҳон чемпионатининг илк турида тарихий натижа қайд этди. Колумбияга қарши баҳсда у соатига 36 километр тезликка эришиб, мусобақа биринчи турининг энг тезкор футболчиси бўлди.

СофаСcоре платформаси маълумотларига кўра, 22 ёшли футболчи ушбу кўрсаткич билан барча иштирокчиларни ортда қолдирди. Рейтингда иккинчи ўринни Жосип Станиšиć (35,9 км/соат), учинчи ўринни эса Wилфриэд Синго (35,8 км/соат) эгаллади. Файзуллаев чемпионатнинг илк турида яна бир тарихий натижага эришди. У Ўзбекистон миллий терма жамоасининг Жаҳон чемпионатлари тарихидаги илк голига муаллифлик қилди.

Бундан ташқари, Опта статистикаларига кўра, бўйи 167 сантиметр бўлган футболчи XXI асрда Жаҳон чемпионатларида бош билан гол урган энг паст бўйли футболчи сифатида тарихга кирди. Шу тариқа, Аббосбек Файзуллаев нафақат Ўзбекистон, балки жаҳон футболи тарихида ҳам ўз номини муҳрлашга муваффақ бўлди.