Кеча, 22 август куни Боку шаҳрининг “Гулустон” саройида Ўзбекистон Республикаси Президенти Шавкат Мирзиёев ва унинг рафиқаси Зироатхон Мирзиёева шарафига Озарбайжон Республикаси Президенти Илҳом Алиев ва биринчи хоним Меҳрибон Алиева номидан давлат зиёфати бўлиб ўтди.

Бу ҳақда Озарбайжон президентининг матбуот хизмати хабар берди.

Байрам тадбирида ташкил этилган концертда озар ва ўзбек мусиқаларидан намуналар янграган. Унда Ўзбекистон Маданият вазири Озодбек Назарбеков ҳам қўшиқ куйлаган.

Маълумот учун, Шавкат Мирзиёевнинг Озарбайжонга сафари бугун, 23 август куни ҳам давом этади. У Озарбайжон Президенти Илҳом Алиев билан Фузулий ва Шуша шаҳарларига бориши кутилмоқда.

• Мирзиёев
• Озарбайжон