Дортмунднинг “Боруссия” клуби ҳужумчиси Юсуф Мукоко жамоа билан шартнома узайтиришдан бош тортди. Bild хабарига кўра, “Арилар” раҳбарияти ёш истеъдодли футболчига янги – ҳозиргидан 3 баравар, яъни, 6 миллион евролик маош таклиф қилди. Аммо, футболчи шу заҳоти рад этган.

Мукоко Дортмунд жамоасидан йилига камида 7 миллионлик шартнома кутаётган эди. Агар клуб футболчи истаганидек битим таклиф қилмаса, Юсуф ёзда эркин агентга айланиб, жамоани текинга тарк этиши мумкин.

Мукокога ҳозирга Лондоннинг “Челси” ҳамда Каталониянинг “Барселона” клуби жиддий қизиқиш билдирмоқда. Унинг трансфермаркт порталидаги баҳоси – 30 миллион евро.

• Боруссия
• Бундеслига
• Германия
• Трансферлар