Британия полицияси одамларни шаҳар кўчалари бўйлаб сайр қилиш чоғида кийимлари остида совуқ қуроллар бор-йўқлигини яширин равишда сканерлаши мумкин бўлади. Бу ҳақда “Кazinformuzbek” хабар берди.

Келгуси йилда жорий этилиши мумкин бўлган янги технология ҳуқуқ-тартибот идоралари ходимларига гавжум жойларда олти метргача бўлган масофада кийим тагида пичоқ борлигини ҳатто қалин пальто ва камар остида ҳам аниқлаш имконини беради, деб ёзади “The Standard”.

Ушбу технологияни жорий этишни тезлаштириш учун Британия ҳукумати 460 минг фунт стерлингдан ортиқ маблағ ажратди. Унинг қўлланилиши айбсиз одамларни ҳибсга олиш ва тинтувлар сонини камайтиришга қаратилган.

Лондонда пичоқ билан жиноят содир этишда ўсиш тенденцияси кузатилмоқда, Британия пойтахтида 2022 йил июлидан 2023 йилнинг июнига қадар 13503 та ҳодиса қайд этилган. Бу кўрсаткич аввалги 12 ойлик даврга нисбатан 20 фоизга ошганини билдиради.

• Буюк Британия
• Politsiya
• технология