Швейсарияда кўпчилик овоз билан 50 миллион Швейсария франки (62 миллион АҚШ доллари) ва ундан юқори миқдордаги меросга 50 фоизлик солиқ солиш таклиф рад этилди. Бу ҳақда Reuters хабар берди.

Сайловчиларнинг 78 фоизи бу таклифга қарши овоз берди. Бу натижа ҳатто аввалги сўровларда прогноз қилинган учдан икки қисмдан ҳам ошиб кетди. Банкирлар овоз беришни Швейсариянинг бойликларни қайта тақсимлашга тайёрлигини кўрсатувчи мезон сифатида баҳолаб, уни диққат билан кузатиб борди. Яқинда Норвегия ва бошқа мамлакатлар бойлик солиғини кучайтирган ёки шунга ўхшаш чораларни муҳокама қилган эди.

Швейсарияда дунёнинг энг қиммат шаҳарлари жойлашган бўлиб, турмуш нархи ҳақидаги ташвишлар маҳаллий сиёсатда тобора долзарб мавзуга айланмоқда.

Ёш социал-демократлар қаноти (ЖУСО) илгари сурган ушбу ташаббус иқлим ўзгариши оқибатларини камайтиришга қаратилган лойиҳаларни молиялаштиришни мақсад қилган. Ташаббусни танқид қилувчилар бу таклиф бадавлат одамларнинг Швейсариядан чиқиб кетишига сабаб бўлиши ва натижада умумий солиқ тушумларининг камайишига олиб келиши мумкинлигини таъкидлаган. Швейсария ҳукумати сайловчиларни ушбу таклифни рад этишга чақирди.

• Shveysariya
• Таклиф