Бутун дунёда 2023 йилнинг августидан жорий йилнинг май ойигача 163 нафар журналист ўлдирилган. Бу ҳақда Бирлашган Миллатлар Ташкилоти Бош котиби Антониу Гутерриш маълум қилди.

Унинг сўзларига кўра, ЮНЕСКО 2023 йил августидан 2025 йил май ойигача 163 нафар журналистнинг ўлдирилганини қайд этган. Улардан 109 нафари, жумладан, 12 нафар аёл жанговар ҳудудларда ҳалок бўлган. Энг кўп қурбонлар Ғазо секторида (46 киши), Суданда (13 киши) ва Украинада (8 киши) қайд этилган. 

Журналистлар қотиллиги уруш кечмаётган мамлакатларда ҳам давом этмоқда. Масалан, ЮНЕСКО маълумотига кўра, Мексикада вазият кўплаб уруш зоналаридагидан хавфлироқ. Кўрсатилган даврда у ерда 15 нафар ОАВ ходими ўлдирилган.

Энг кўп тасдиқланган қотиллик ҳолатлари араб давлатларида (82 та) қайд этилган, ундан кейин Лотин Америкаси ва Кариб ҳавзаси мамлакатлари (34 та), Африка (5 та), Осиё-Тинч океани минтақаси (30 та) ҳамда Европа ва Шимолий Америка (12 та) келади. 

• Фаластин
• геноцид
• Isroil
• jurnalist