Унда Исломбек Исмоилов бошчилигидаги Ўзбекистон терма жамоаси ҳам иштирок этади.

Ўзбекистон U-17 терма жамоаси ўсмирлар ўртасидаги Жаҳон чемпионатларида тўртинчи бор иштирок этмоқда. Ушбу ёш тоифасидаги Ўзбекистон жамоалари 2011 (Мексика) ва 2023-йилги (Индонезия) мусобақаларда чорак финалга қадар етиб борган. 2013 йил Бирлашган Араб Амирликларида ўтган мундиалда эса 1/8 финал босқичида иштирокини якунлаган.

Бу йил Исломбек Исмоилов бошқарувидаги жамоа 2025-йилги FIFA U-17 Жаҳон чемпионатининг “J” гуруҳида Парагвай, Ирландия ва Панама ўсмирлар терма жамоаларига қарши баҳс олиб боради.

Маълумот учун, 17 ёшгача футболчилар ўртасидаги FIFA Жаҳон чемпионати жорий йилнинг 3–27 ноябрь кунлари Қатар яшил майдонларида бўлиб ўтади. Ўзбекистон U-17 терма жамоасининг турнир доирасидаги илк учрашув эса 5 ноябрь куни Парагвайга қарши бўлиб ўтади.

• Футбол
• Жаҳон чемпионати
• Ўсмирлар
• Ўзбекистон
• Қатар
• терма жамоа