Буюк Британияда 2016 йилда бедарак йўқолган Чарли исмли мушук 10 йил ўтиб ўз уйига қайтди. Бу ҳақда BBC хабар берди.

Чарли 2016 йил апрель ойида ғойиб бўлган. Унинг эгалари Люси ва Ханна Робертсонлар мушукни узоқ вақт давомида излаган, атрофдагилардан суриштирган ва ижтимоий тармоқларда эълонлар жойлаштирган. Бироқ ундан ҳеч қандай дарак топилмаган.

2026 йил 29 июль куни Ханнага Аберкарн шаҳридаги ветеринария клиникасидан қўнғироқ қилишган. Маълум бўлишича, яқин атрофда яшовчи бир киши Чарлини буталар орасида кўриб, уни қаровсиз деб ўйлаган ва бир неча ҳафта давомида овқатлантириб келган.

Кейинчалик у мушукни ветеринарга олиб борган. Ветеринар Чарлидаги микрочип орқали унинг эгаларини аниқлаб, Ханна билан боғланган.

Чарлининг эгаларидан бири Люсининг айтишича, мушукнинг ташқи кўриниши деярли ўзгармаган ва у худди 10 йил аввалги суратларидагидек кўринишда.

Ҳозирда Чарли янги шароитга ва оиладаги бошқа уй ҳайвонларига қайта мослашмоқда.

10 йил давом этган айрилиқдан сўнг Чарлининг оиласига қайтиши унинг эгалари учун кутилмаган ва қувончли воқеа бўлди.