Португалиялик футбол юлдузи Криштиану Роналду 2026 йил якунида профессионал фаолиятини тугатиши мумкин. Бу ҳақда футболчи “Вогуэ” журналига берган интервьюсида маълум қилди.

“Бу менинг футболдаги сўнгги йилим бўлса керак. Мен катта мерос қолдирмоқчиман. Нафақага чиққанимдан кейин нима қилишимни аллақачон биламан. Режаларим жуда кўп”, — деди Роналду.

Футболчи фаолиятини якунлагач, кўпроқ дам олиш, саёҳат қилиш ҳамда ўзи ёқтирадиган падел спорти билан шуғулланишни режалаштираётганини айтди.

Роналду профессионал футболдаги илк расмий учрашувини 2002 йил 14 август куни Лиссабоннинг “Спортинг” клуби сафида “Интер”га қарши ўтказган. Шу тариқа унинг профессионал фаолиятига 25 йилга яқин вақт бўлади.

41 ёшли футболчи айни пайтда фаолиятининг сўнгги босқичини ўтказмоқда.