Бугун Англия Премер лигасининг 25-туридан ўрин олган “Манчестер Сити” ҳамда “Нюкасл” жамоалари ўртасидаги баҳс бўлиб ўтади. Учрашув Ўзбекистон вақти билан соат 20:00 да бошланиши режалаштирилган.

Кўплаб хориж экспертлари мазкур баҳсда ўзбекистонлик ҳимоячи Абдуқодир Ҳусановни асосий таркибда майдонга тушишини тахмин қилмоқда. Сабаби Чемпионлар лигаси доирасидаги “Реал Мадрид”га қарши ўйинда “шаҳарликлар”нинг яна бир марказий ҳимоячиси Мануэл Аканжи оғир жароҳат олиб майдонни тарк этди. Клуб шифокорлари футболчининг 8-10 ҳафтага сафдан чиққанини маълум қилди.

Ҳозирда асосий таркиб учун иккита 20 ёшли ҳимоячилар Рико Люис ҳамда Абдуқодир Ҳусанов ўртасида кучли рақобат бўлиши айтилмоқда. Хусусан, “Манчестер Сити” мураббийи Пеп Гвардиола ҳам ўйиндан олдинги матбуот анжуманида таркибда ўзгаришлар бўлишини айтиб ўтди.

• Abduqodir Husanov
• Manchester Siti
• Нюкасл