Бугун, футбол бўйича Жаҳон чемпионати саралаш босқичининг 7-тури доирасидаги бир қатор ўйинлар бўлиб ўтади. Эътиборли жиҳати шундаки, Ўзбекистон терма жамоаси ушбу турда қўшни мамлакат Қирғизистон Республикаси терма жамоасини ўз майдонида қабул қилади. Ўйин соат 21:00 да, “Бунёдкор” стадионида бўлиб ўтади.

Жамоалар ўртасидаги илк баҳс 2024 йил Қирғизистонда ўтказилган эди. Унда 2:3 ҳисобида Ўзбекистон терма жамоаси ғалаба қозонган эди. Бугунги баҳсдаги ғалаба Жаҳон чемпионати йўлланмаси учун яна бир муҳим қадам ҳисобланади.

Айни пайтда Ўзбекистон терма жамоаси “А” гуруҳида 13 очко билан 2-ўринда бормоқда. Терма жамоа вакиллари 25 март куни гуруҳ пешқадами Эрон термаси билан тўқнаш келади.

• Футбол
• Ўзбекистон
• Қирғизистон
• терма жамоа