Буюк Британия қироли Чарлз III Риши Сунакни бош вазир этиб тайинлади ва унга ҳукумат тузишни топширди. Бу ҳақда Sky News хабар бермоқда.

Бугун, 25 октябрь куни Риши Сунак Букингем саройида қирол Чарлз III билан учрашувдан сўнг расман Бош вазир бўлди.

Қирол билан учрашувдан сўнг янги бош вазир Лондонга қайтади ва Даунинг-стритдаги офис ташқарисида нутқ сўзлайди.

Сунак бу йил қирол Чарлз III томонидан тайинланган биринчи, Қироллик тарихида эса учинчи Британия Бош вазири бўлди.

Июл ойида Борис Жонсон бош вазирликдан истеъфога чиқиш ниятини эълон қилди. Сентябр ойида унинг ўрнига сайланган Лиз Трасс бор -йўғи 44 кун бош вазир бўлди, шунингдек, иқтисодиёт учун янги “сотиб олиш режаси” устидан танқидга учради ва ҳукумат уни амалга ошириш учун давлат қарзини оширишидан қўрқиб, истеъфога чиқди.

Кеча, 24 октябрь куни Риши Сунак Британия Консерватив партияси раҳбари этиб сайланди. Жамоатчилик палатаси раҳбари Пенни Мордаунт ўз номзодини қайтариб олишини эълон қилганидан сўнг у сайловда қатнашиш учун ягона номзод бўлди.

• Бош вазир
• Буюк Британия
• Чарлз III
• Rishi Sunak