Петр Павелнинг айтишича, альянс давлатлари ўз ҳаво ҳудудига Россия ҳарбий самолётлари томонидан содир этилаётган бузилишларга қатъий жавоб қайтариши лозим.

“Шундагина Россия ўз хатосини англайди ва рухсат этилган чегараларни босиб ўтганини тушунади. Афсуски, бу йирик можаро билан тўқнашув хавфини туғдирадиган нозик мувозанат масаласи, лекин биз ёвузлик олдида орқага чекина олмаймиз”, — деган Павел Чехия телевидениесига берган интервьюсида.

Петр Павел олдин НАТО ҳарбий қўмитасига раҳбарлик қилган. Унинг бу изоҳи сентябрь ойида юз берган бир қатор ҳодисалардан сўнг янгради. Сентябрда Россияга тегишли дронлар ва қирувчи самолётлар НАТОга аъзо Шарқий Европа давлатлари – Полша, Руминия ва Эстония ҳаво ҳудудини бузган эди.

• Chexiya
• Президент
• Таклиф