Ижтимоий тармоқларда номаълум фуқаро Чилонзор туманида жамиятда юриш-туриш қоидаларини бузганлиги акс этган видео тарқалиб турли муҳокамаларга сабаб бўлмоқда.

Жорий йилнинг 31 май куни Чилонзор тумани, Чилонзор метро бекати олдидаги йўл қатнов қисмининг пиёдалар ўтиш жойида, 2004 йилда туғилган П.Д. ва ушбу видеолавҳани тасвирга олишга жалб қилинган таниши 2000 йилда туғилган Т.М. жамиятда юриш-туриш қоидаларини қасддан менсимасдан, гўёки ўзини оёғи синган ҳолатда кўрсатиб, йўлнинг қатнов қисмида сунъий тирбандлик содир этган ҳамда йўл ҳаракати қатнашчиларининг ҳаётини хавф остига қўйган.

Мазкур ҳолат юзасидан Чилонзор тумани ИИО ФМБ томонидан ушбу фуқароларга нисбатан Ўзбекистон Республикаси МЖтКнинг 183-моддаси ("Майда безорилик") билан маъмурий баённома расмийлаштирилиб, қонуний чора кўриш учун ҳужжатлар Жиноят ишлари бўйича Чилонзор туман судига юборилган.

• Chilonzor
• ИИБ