31°
Кечаси 18°
Туркия Президенти Ражаб Тоиб Эрдўған жорий йилнинг 5 январь куни АҚШ Президенти Доналд Трамп билан Украина можаросини тартибга солиш режасини муҳокама қилишни режалаштирмоқда. Бу ҳақда у бугун, 2 январь куни журналистлар билан суҳбатда маълум қилди.
“Мен ҳам Россия Президенти Владимир Путин билан, ҳам Трамп билан алоқаларни давом эттиряпман. Душанба куни Парижда “Кўнгиллилар коалицияси” саммити бўлиб ўтади. Унда менинг номимдан Ташқи ишлар вазири иштирок этади. Душанба куни кечқурун эса мен яна Трамп билан гаплашаман ва Украинадаги вазиятни тартибга солиш ҳамда Фаластин муаммосини муҳокама қиламиз”, – дейди Эрдўған.
Қайд этиш жоиз, Туркия расмийлари бир неча бор Россия ва Украина ўртасида тўғридан-тўғри музокаралар ўтказиш учун ўз майдонини тақдим этишга тайёр эканини билдирган ва Украина бўйича етакчилар учрашуви бўлиб ўтишига умид қилаётганини таъкидлаган. Хусусан, 2025 йилда Истанбулда Россия ва Украина вакиллари ўртасида уч босқичли музокаралар ўтказилди.
Туркия президенти, шунингдек, Америка раҳбари билан Фаластин муаммосини ҳам муҳокама қилишни режалаштирмоқда.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
