Венесуэла Олий суди мамлакат вице-президенти Делси Родригесни давлат раҳбари Николас Мадуронинг ўғирлаб кетилиши муносабати билан вақтинча президент вазифасини бажарувчи этиб тайинлади.

Конституциявий палата раиси Карислижа Беатрис Родригес маълум қилган.

“Республика президенти, фуқаро Николас Мадуро Моронинг ўғирлаб кетилиши оқибатида юзага келган фавқулодда вазиятни инобатга олган ҳолда, бу ҳолат унинг ўз ваколатларини бажариши учун моддий ва вақтинчалик имконсизликни юзага келтираётганини ҳисобга олиб, ижро этувчи вице-президентга Боливар Республикаси Венесуэла президенти лавозимига хос бўлган барча ваколатлар, мажбуриятлар ва функцияларни вақтинча президент вазифасини бажарувчи мақомида қабул қилиш ва амалга ошириш топширилсин. Бу қарор маъмурий узлуксизликни таъминлаш ҳамда миллатни ҳар томонлама ҳимоя қилиш мақсадида қабул қилинди”, – дея палата қарорини ўқиб эшиттирган Родригес.

Венесуэла Конституциясида, президент йўқлигида давлат ҳокимияти вице-президентга ўтиши қайд этилган.