Чой ёки қаҳвага бир чой қошиқ шакар қўшиш соғлиқ учун салбий таъсир кўрсатмайди. Голландиянинг Лейден университети олимлари уч минг киши иштирокида ўтказилган тадқиқотдан сўнг шундай хулосага келишди. Уларнинг иш натижалари “PLOC One” журналида чоп этилди.

Олимлар 32 йил давомида турли миқдорда шакарли чой ичган инсонлар билан шакарсиз чой ёки қаҳва ичган одамларнинг соғлиғини кузатиб боришди.

Маълум бўлишича, шакарни қабул қилган инсонларда юрак-қон томир касалликларига чалинганлар сони шакарсиз чой ва қаҳва ичган гуруҳдан касалланганлар сонидан атиги 2,9 фоизга кўп. Бу статистик жиҳатдан муҳим фарқ эмас. Худди шундай кўрсаткич бошқа касаллик турларида ҳам намоён бўлган.

Олимларнинг таъкидланишича, тадқиқот иштирокчилари чой ва қаҳвага ўртача бир қошиқ ёки бир куб шакар (тахминан 5 грамм) қўшган, бу хавфсиз доза ҳисобланади.

• Чой
• Қаҳва
• Шакар