“Дунёдаги энг хунук ит 2023” кўрик-танлови ғолиби бўлган ит Голливуднинг машҳур юлдузлари Раян Рейнолдс ва Хю Жекман билан бир кинода суратга тушди. Бу ҳақда “Super” нашри хабар берди.

Маълум қилинишича, 2023 йилда “Энг хунук ит” номинациясида Пегги исмли ит ғолиб чиқди. Шундан кейин у Британияда машҳур бўлиб кетган. Пегги Голливуддагилар эътиборига ҳам тушиб, йилнинг энг кассабоп фильмида суратга тушган.

“Дедпул ва Росомаха” фильмида у бош қаҳрамоннинг ити – Догпул ролини ижро этган.

Пеггининг эгаси журналистларга уй ҳайвонининг шон-шуҳратидан фахрланаётганини билдирган.

“Менга ёқди. Фильм давомида Пегги ўзини жуда эркин тутди, балки Раян Рейнолдснинг қучоғида ўзини қулай ҳис қилгандир. Улар менинг кучугимга жуда яхши муносабатда бўлди. Мен ҳар сониядан завқланардим”, – дейди у.

• film
• голливуд