Apple компаниясининг Калифорния штати Купертино шаҳридаги штаб-квартирасида Бутунжаҳон дастурчилар конференцияси бўлиб ўтди.

Тақдимотда компания iOS 18 нинг кўплаб қизиқарли ва янги функцияларини намойиш этди. Эндиликда смартфонларга Apple Intelligence номли сунъий интеллект ўрнатилади ва фойдаланувчилар шахсий нейротармоққа эга бўлади.

Шунингдек, Apple фотосуратлар бўлимига ҳам муҳим ўзгаришлар киритилди. Фойдаланувчилар ҳар қандай суратдан кераксиз нарсаларни: орқа фондаги бегона шахслар, кераксиз артефакт ва предметларни биргина функция орқали ўчириб ташлаши мумкин бўлади.

Айтганча, сиз бу ишни Photoshop каби ҳеч қандай мураккаб қадамлари бор иловасиз амалга оширишингиз мумкин. Шунчаки Apple телефонингизга олинган фотодаги олиб ташламоқчи бўлган қисмни белгилайсиз ва ўчириш амалини тасдиқлайсиз. Ажойиб ва жуда қулай, шундай эмасми?

Кейин эса суратни асл ҳолига қайтариш ҳам мумкин. Афсуски, янгиланган барча функциялар ҳар қандай Apple фойдаланувчилари учун очиқ эмас. Расмни ўзгартириш хусусияти iPhone XS ва ХР дан эски бўлмаган қурилмалар учунгина мавжуд бўлади.

• Apple
• iPhone