Озиқ-овқатни ёмон бўлиб қолмаслигига жиддий эътибор қаратамиз, лекин ампула, сироп каби суюқ ва бошқа турли хил гиёҳларнинг сақланиши ҳам жиддий эътибор талаб қилади.
Аҳамият берган бўлсангиз, ҳар бир препарат йўриқномасида уни сақлаш қоидаси кўрсатилган бўлади.
Таблетка ва капсула кўринишидаги препаратлар учун намлик даражаси жуда муҳим. Уларни салқин ва қуруқ жойга қўйинг. Аэрозоль ёки спрей шаклидаги дорилар учун ёруғлик нури ва хона ҳарорати юқори бўлмаслигига эътибор қаратинг.
Тиндирма ёки томчи дорилар қўнғир (ҳимояланган) тусли идишларда ишлаб чиқилса-да, улар ҳам қуёшни “хушлашмайди”.
Совиткичга қўямизми?
Агар препарат йўриқномасида: “салқин ва ёруғлик нуридан ҳимояланган жойда сақланг” дейилган бўлса, унда совиткичга жойлаш мумкин.
“5 градусдан ошмаган ҳолда сақлансин” дея кўрсатма берилган бўлса, дориларни совиткичга қўйса бўлади.
Суртма ва мойли дорилар, шамчалар ҳамда суюқ кўринишдаги препаратлар учун совиткич эшигидаги қаватлар муносиб танлов.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!