2024 йил 24 июнь куни Бухоро вилояти Олот тумани Тиббиёт бирлашмаси навбатчи шифокори ИИБга хабар бериб, тумандаги мактабгача таълим муассасаси тарбияланувчиси, 2019 йилда туғилган бола тан жароҳати билан шифохонага олиб келинганлигини билдирган.
Терговга қадар текширув жараёнида аниқланишича, 24 июнь куни боғчада икки нафар бола уришиб қолган. Шу сабабли тарбияланувчилардан бирининг отаси ўғли билан жанжаллашган боланинг юзига уриб, жароҳат етказган.
Ҳозирда болага етказилган жароҳатнинг даражасини аниқлаш юзасидан суд-тиббий экспертиза тайинланган. Ҳолат болалар омбудсмани томонидан ўрганилмоқда.
Мазкур воқеа юзасидан терговга қадар текширув ишлари давом этмоқда.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!