Ўзбекистонда биринчи марта солиқ органлари фискал квитанцияларни таҳлил қилган ҳолда дори воситаларини сотиш бўйича маълумот берди.

Республика бўйича 8 002 та дорихона рўйхатга олинган бўлиб, уларда 15 609 та онлайн касса аппарати мавжуд.

Дори воситалари ИКПУ кўрсатган ҳолда харидорларга бериладиган фискал тушумлар асосида аҳолининг дори воситаларини харид қилиш учун қанча маблағ сарфлаётгани тўғрисида маълумотлар шакллантирилади.

Жорий йилнинг 5 ойида дори воситаларига энг юқори харажатлар Тошкент (2,1 триллион сўм), Самарқанд (986,9 миллиард сўм) ва Тошкент вилоятларида (663,4 миллиард сўм) қайд этилди.

Пойтахтда кўрсаткичлар йирик тиббиёт муассасалари мавжудлиги сабабли шаклланади.
Республика ҳудудлари орасида энг кам харажатлар Жиззах (201,3 млрд. сўм), Навоий (191,6 млрд. сўм) ва Сирдарё (170 млрд. сўм) вилоятларига тўғри келади.

Бундан келиб чиққан ҳолда ва ҳар бир ҳудудда рўйхатга олинган аҳоли сонини ҳисобга олган ҳолда йил бошидан ўртача бир киши дори-дармонларга:
Тошкент шаҳрида – 750 минг сўм;
Бухоро вилоятида – 277 минг сўм;
Самарқанд вилоятида – 245,1 минг сўм.

Январдан майгача аҳоли жон бошига камроқ харажатлар:
Қашқадарё вилоятида – 120 минг сўм;
Қорақалпоғистон Республикасида – 118 минг сўм;
Сурхондарё вилоятида – 114 минг сўм.

Бундай маълумотлар нафақат вилоятлар, балки ҳар бир туман ва маҳаллалар бўйича солиқ органларининг маълумотлар базасида шакллантирилади.

Фискал тушумлар маълумотлари таҳлили шуни кўрсатдики, энг кўп пул даволаш учун мўлжалланган дори-дармонларга сарфланади:
1. Юрак-қон томир касалликлари;
2. Юқумли касалликлар;
3. Оғриқ қолдирувчи воситалар;
4. Асаб тизими;
5. Ошқозон-ичак тракти;
6. Нафас олиш йўллари касалликлари;
7. Таянч-ҳаракат тизими;
8. Томоқ ва бурун касалликлари;
9. Жигар касалликлари.

• Dori
• Солиқ