Британия Миллий соғлиқни сақлаш ва тиббий ёрдамни такомиллаштириш институти (NICE) сунъий интеллект рентген тасвирларини таҳлил қилишда шифокорлар томонидан кўздан қочирилган синиқларни камайтиришга ёрдам бериши мумкинлигини маълум қилди.

“Сунъий интеллектнинг мазкур технологияларидан фойдаланиш хавфсиз ва инсон кўздан қочирган синиқларни аниқлашга қодир”, — дейди NICEнинг соғлиқни сақлаш соҳасидаги технологиялари бўйича директори Марк Чепмен.

Англия тез ёрдам хизматига сунъий интеллектга асосланган тўртта воситадан фойдаланиш тавсия этилади. Бунда сунъий интеллектнинг ўзи ёлғиз ишламайди — ҳар бир тасвир тиббиёт ходими томонидан қайта кўриб чиқилади.

NICEнинг қайд этишича, суяк синиши билан боғлиқ 3-10 фоиз ҳолатларда ташхис тўғри қўйилмайди — бу тез ёрдам бўлимларида энг кўп учрайдиган хатолик. Ҳар куни минглаб рентген тасвирларини таҳлил қиладиган малакали мутахассислар эса Миллий соғлиқни сақлаш тизимига етишмайди — мамлакатдаги рентгенолог вакансияларининг 12,5 фоизи бўш.

• Olimlar
• Шифокор
• қизиқарли
• rengen
• sun’iy intellekt
• тадқиқот