15 ёшдан 29 ёшгача бўлган руминияликларнинг 25,4 фоизи Европа Иттифоқида энг юқори қашшоқлик даражасига эга. Бунга ижтимоий сиёсат ва иш ўринларининг йўқлиги сабаб бўлмоқда, дея хабар беради euronews.com.
Иқтисодга оид сўнгги маълумотлар Руминия Европа Иттифоқида 15 ёшдан 29 ёшгача бўлган ёшлар орасида жиддий моддий ва ижтимоий маҳрумлик даражаси энг юқори эканлигини кўрсатади. Бу кўрсаткич 25,4 фоизни ташкил этади, бу Европа Иттифоқининг ўртача кўрсаткичидан уч баравар кўп.
Мутахассисларнинг айтишича, бу ижтимоий сиёсатнинг йўлга қўйилмаганлиги ва маошли иш ўринларининг тақчиллиги билан боғлиқ. 18,6 фоиз билан Болгария иккинчи, Греция 14,9 фоиз билан учинчи ўринда.
Бошқа томондан, Словения, Австрия, Люксембург, Хорватия ва Полша каби Европанинг 12 та давлатида бу кўрсаткич 3% дан кам.

• Дунё
• Ёшлар