Бугун, 11 ноябрь куни Самарқанд шаҳрида бўлиб ўтаётган Туркий давлатлар ташкилоти саммити доирасида юқори мартабали меҳмонларни тақдирлаш маросими ўтказилмоқда.

Ўзбекистон Президенти Шавкат Мирзиёйев Туркия етакчиси Ражаб Тоййиб Эрдўған ҳамда Туркманистон Миллий Кенгаши Халқ Маслаҳати раиси Гурбангули Бердимуҳамедовни “Туркий дунёнинг олий ордени” билан мукофотлади.

“Хурматли Ражаб Тоййиб Эрдўған сизга тақдим етилаётган юксак орден туркий оиламиз жипслиги ва аҳиллигини, унинг янада ҳамжиҳатлигини кучайтириш борасидаги хизматларингизнинг амалий еътирофи, десам, айни ҳақиқатни айтган бўламан. Сизни ушбу олий мукофот билан анжуманимизнинг барча иштирокчилари номидан самимий табриклайман”, — дейди Шавкат Мирзиёев.

"Туркий дунёнинг олий ордени" — туркман халқига берилган мукофотдир. Биз ТДТни меросимизни асраб қолишга қилаётган ҳаракати учун қадрлаймиз", — дейди Бердимуҳамедов.

Шунингдек, марҳум атоқли адиб Чингиз Айтматов Турк дунёси бирлигини таъминлашга қўшган ҳиссаси учун Алишер Навоий номидаги халқаро мукофот билан тақдирланди.

Ушбу халқаро мукофотни Қирғиз Республикаси Президенти Садир Жапаров қабул қилиб олди.

“Чингиз Айтматов орамизда йўқ, мукофотни унинг оиласига берамиз. Мукофот Айтматов музейига жойлаштирилади”, — деди Садир Жапаров.

Қайд етиш керакки, ушбу мукофот 2019 йилдан бери саммит иштирокчиларига топшириб келинади. Бокуда ўтказилган саммитда Озарбайжон президенти Илҳом Алиев Қозоғистоннинг биринчи президенти Нурсултон Назарбоевга ушбу орденни топширган еди.

2021 йилда еса Туркия президенти Озарбайжон етакчисини айни орден билан мукофотлаган.

• Орден
• Самарқанд
• Туркий давлатлар ташкилоти