“Манчестер Сити” ва Норвегия терма жамоаси тўпурари Эрлинг Холанд мавсумнинг қолган қисмини жароҳат туфайли ўтказиб юбориши мумкин.

Бу ҳақда таниқли инсайдер Фабрицио Романо хабар тарқатди.

24 ёшли ҳужумчи Англия кубоги доирасида “Борнмут”га қарши учрашувда жароҳат олиб учрашувни давом эттира олмасдан захирага олинган эди. Манбага кўра, Холанд мавсумнинг қолган қисмини ўтказиб юбориши кутилмоқда. Эрлинг мавсум охирида, июнда бўладиган 2025-йилги клублар ўртасидаги жаҳон чемпионатидан олдин сафга қайтиши мумкин.

Малумот учун, Холанд жорий мавсумда “шаҳарликлар” сафида барча турнирларда 40 учрашув ўтказиб, 30 та гол ва тўртта ассист қайд этган.

• Жароҳатлар
• Manchester Siti
• Холанд