Норвегия терма жамоаси ва Англиянинг "Манчестер Сити" клуби ҳужумчиси Эрлинг Холланд PFА (Professional Footballers' Association) томонидан Англия Премьер лигаси 2022-2023 йилги мавсумининг энг яхши футболчиси деб топилди. Бу ҳақда "Goal" нашри ёзмоқда.

Қайд этиш керакки, Холланд йилнинг энг яхши футболчиси бўлиш учун жамоадоши Кевин Де Брюне, Харри Кейн, Букайо Сака каби юлдузларни ортда қолдирди.

"Арсенал"нинг иқтидори Букайо Сака эса йилнинг энг яши ёш футболчиси деб топилди. Англиялик вингер "тўпчилар"нинг етакчиси бўлди. Бироқ у ва унинг кулибига чемпион бўлиш учун тажриба етишмади.

Норвегиялик футболчи 2022 йилнинг ёзида "Манчестер Сити"га кўчиб ўтган эди. Унинг жамоага адабтацияси унча кўп вақт талаб этмади. 23 ёшли ҳужумчи АПЛнинг 2022-2023 йилги мавсумида 36 та гол урди.

Айрим таҳлилчилар Холланднинг пас ўйнашда нўноқлигини танқид қилишади. "Шаҳарликлар" устози Хосеп Гвардиола эса тўпга эгалик қилишни яхши кўради. Бироқ Эрлинг қанчалик тўпга кам тегса ҳам гол уришдан тўхтамаяпти. Ўтган мавсумда умумий ҳисобда 52 та гол урган ҳужумчидан жорий мавсум ҳам ўнлаб голларни кутиш мумкин.

• АПЛ
• Angliya
• Эрлинг Ҳоланд
• Футбол
• Норвегия