Эрон Ислом Республикаси коинотга янги биокапсулани муваффақиятли учирди. Бу ютуқ ҳақида Эроннинг Тасним хусусий агентлиги хабар берди.

Унинг маълумотларига кўра, янги биокапсуланинг оғирлиги ярим тоннани ташкил этади. У Салман ракетаси орқали 130 километр баландликка етказилган. Қурилма одамни орбитага жўнатиш бўйича Эрон йўл харитасини изчил амалга ошириш доирасида ишлаб чиқилган.

Лойиҳага мамлакат Мудофаа вазирлигига бўйсунувчи Аэрокосмик саноат ташкилоти масъулдир. Ислом Республикасининг космик дастури 2004 йилда бошланган. “Radiotochka NSN” Телеграм каналида қайд этилишича, Теҳрон яқин беш йил ичида коинотга одам юборишни режалаштирмоқда.

• Eron