АҚШ Конгресси Вакиллар палатаси спикери Ненси Пелоси Эрон Россияга Украина инфратузилмасини нишонга олувчи учувчисиз самолётлар етказиб бериб, катта хатога йўл қўйганини айтди.

“Биз бир мунча вақтдан бери дунёни хавфсиз қилишимиз учун Эрон билан ядровий келишувга эришишга ҳаракат қилдик, энди эса улар русларга ёрдам бериб, дунёни “хавфсиз” жойга айлантирмоқдалар”, - деди Пелоси.

Бундан бир неча кун аввал Қўшма Штатлар ва Ғарбнинг асосий иттифоқчилари Россияни Украинадаги тинч аҳоли ва электр стансияларига ҳужум қилиш учун Эронда ишлаб чиқарилган дронлардан фойдаланганликда айблаган эди.

Лекин, кейинроқ Эрон Россияга портловчи моддалар ўрнатилган ракеталарни етказиб бераётганини рад этган.

Шундай бўлса-да Эроннинг бир нечта учбурчак шаклидаги учувчисиз дронлари Украина ҳудудларида уриб туширилган.

Пелоси Хорватия бош вазири Андрей Пленкович билан бўлиб ўтган қўшма матбуот анжуманида: “Аввало, биз дронларга қарши тура олишимиз керак. Бу хавфли технология ва уни тўхтатишимиз керак.” – деб таъкидлади.

• АҚШ
• Pelosi
• Украина
• Хитой