Иордан дарёсининг Ғарбий қирғоғидаги Рамалла шаҳрида бўлиб ўтган АҚШ давлат котиби Энтони Блинкеннинг Фаластин президенти Маҳмуд Аббос билан учрашуви кескин ўтган.

Хусусий манбалар “Скй News Arabia”га Блинкеннинг ишғол қилинган Ғарбий соҳил Рамаллада Аббос билан учрашган учрашуви кескин бўлганини, тортишувлар ва жанжаллар билан ажралиб туришини тасдиқлаган.

Таъкидланишича, Аббос Блинкендан Фаластиннинг музлатилган маблағларини очиш учун Исроилга босим ўтказишни сўраган. Ўз навбатида, Блинкен Фаластин миллий маъмуриятида (ПНА) ислоҳотлар ўтказиш талабларини такрорлаган.

Маҳмуд Аббос, шунингдек, Исроил томонидан “Фаластин халқини Ғазо секторидан ёки Ғарбий соҳилдан, шу жумладан Қуддусдан чиқариб юборишга” қаратилган чора-тадбирларнинг жиддийлиги ҳақида огоҳлантирган.

Бунгача Блинкен яқин Шарққа ташрифи чоғида Исроил бош вазири Бенямин Нетаняху билан учрашув ўтказган. Учрашув давомида Блинкен Нетаняхуни Ғазо секторидаги тинч аҳолига зарар етказмасликка чақирган.

• АҚШ
• Entoni Blinken
• Фаластин
• Isroil
• Уруш