Мазкур мақолада Жаҳон чемпионатига йўлланмани қўлга киритган терма жамоаларнинг 6 нафар футболчиси ва уларнинг натижалари ҳақида алоҳида тўхталиб ўтилган. Ушбу футболчилар ичида Ўзбекистон ўсмирлар жамоаси ҳужумчиси, мусобақа тўпурари Асилбек Алиев ҳам бор.

“Ушбу ёш иқтидор Ўзбекистоннинг чемпионлик йўлида энг асосий футболчилардан бири бўлиб, ҳужум чизиғини ишонч ва совуққонлик билан бошқарди. Мусобақанинг дастлабки тўрт учрашувида у бешта гол урди ҳамда ажойиб ҳужумчилик маҳорати билан ажралиб турди. Алиев якунда мусобақа тўпурари, шунингдек, Марказий Осиё футболининг энг ёрқин келажак юлдузи сифатида катта эътирофга сазовор бўлди”, – дейилган мақолада. 

Шунингдек рўйхатдан Абдураҳмон Суфяни (Саудия Арабистони), Ким Ин Сонг (Жанубий Корея), Ким Ю-Жин (КХДР), Эвандра Флораста (Индонезия) ва Муҳаммад Назриев (Тожикистон) сингари футболчилар ҳам жой олишган.

• FIFA
• Осиё Чемпионати
• терма жамоа
• maqola