Хабар қилинишича, Дания қироличаси Маргрете II 14 январь куни Копенгагендаги Кристиансборг саройида тахтдан расман воз кечиш тўғрисидаги ҳужжатга имзо чекканди. Шундан сўнг, унинг 55 ёшли ўғли Фредерик Х Дания қироли бўлди. Дания Бош вазири Метте Фредериксен қалъа балконида янги ҳукмдорни эълон қилган.

83 ёшли Маргрете II 2023 йил 31 декабрда ўзининг янги йил нутқида тахтдан воз кечиш ниятида эканлигини маълум қилган эди. 14 январь санаси бу қадам учун тасодифан танланмаган.

Бундан роппа-роса 52 йил аввал, 1972 йил 14 январда Дания тахтига Маргрете II ўтирганди. Фақат унинг амакиваччаси – Британия қироличаси Елизавета II Европада узоқроқ ҳукмронлик қилди, у 70 йил тахтда ўтирганидан кейин 2022 йил 8 сентябрда вафот этди. Маргрете II тушунтирганидек, тахтдан воз кечиш қарорига унинг 2023 йилнинг февралида ўтказилган бел соҳасида ўтказилган операцияси сабаб бўлган.

• Дания
• qirol