Бугун, 1 март куни “Манчестер Сити” Англия Кубоги (ФА Cup) нимчорак финалида “Плимут” жамоасига қарши баҳс олиб боради.

“Шаҳарликлар” бу босқичга “Лейтон Ориент” устида қозонилган 2:1 ҳисобидаги иродали ғалаба билан етиб келди. Эътиборлиси, ушбу баҳсда жамоанинг ўзбекистонлик легионери Абдуқодир Ҳусанов майдонга тушиб, ўз ҳисобига битта гол ҳам ёздириб қўйган эди.

Рақиб жамоа “Плимут” эса босқичга кутилмаган натижа билан етиб келган. Жамоа айни дам АПЛ етакчиси бўлиб турган “Ливерпул”ни сенсацион тарзда мусобақадан чиқариб юборган эди.

Европа Чемпионлар Лигасида юришини тугатган ва Англия Премьера лигасида чемпионлик имкониятларини анча пасайтириб юборган Гвардиола жамоаси ушбу мусобақага жиддийроқ ёндашишини инобатга олсак, сўнгги учрашувларда ўзини кўрсата олган ва асосий таркиб аъзосига айланиб бораётган Ҳусановнинг бугунги баҳсда асосий таркибда майдонга тушиши эҳтимоли юқори.

Баҳс бугун Тошкент вақти билан 22:45 да “Этиҳад” стадионида старт олади.

• Abduqodir Husanov
• Angliya
• Гвардиола
• Manchester Siti